ViewTube

الحمدلله ثمار تعب 5 شهور ورفع 106 مقطع جابت نتيجة ولأول مرة تتخطى ساعات المشاهدة 2000 وما عمرها وصلت حتى قريب من هذا الرقم واقصى شي وصلت له 1350 تقريبا ونصها طارت لان مر عليها سنة، والي ماهو فاهم ساعات المشاهدة بالمختصر اي ساعة مشاهدة يمر عليها سنة بالزبط راح تنخصم منك ولازم تقفل 4000 ساعة + 1000 مشترك خلال سنة حتى تقدر تقدم على برنامج شركاء اليوتيوب وتطلع ارباح، يعني انت في سباق مع الزمن لازم تجمع ساعات قد ما تقدر وكل ما تتاخر تخسر ساعات وهذي اصعب شي لو تفكر تكون صانع محتوى باليوتيوب وماهو كل محتويات اليوتيوب عليها إقبال كبير والتختيم احد الامثال نموها ضعيف وصعب تستقطب جمهور بس لو قدرت وتاجوزت هذي المرحلة راح تكسب جمهور ثقة بس يبي لها صبر وكرف و إن شاء الله نقفل 1000 مشترك و 4000 ساعة قبل 1 فبراير 2027 لان الساعات راح تدبل وتصير 8000 .

تعديل على خطة القناة ( شكلي بجلس اعدل بالخطط لين احذف القناة 🤣🤣 ) المهم حصلت ميزة جديدة وهي اخصص لكل لغة صورة بعكس زمان مجبور احط صورة وحدة او ثلاثة على شكل اختبار لمدة اسبوعين والي تجيب نقرات اكثر يتم اعتمادها بس حاليا كل لغة تقدر تحط لها صورة بشكل منفصل وكمان تقدر تسوي اختبار ٣ صور للغة الاصلية الي هي العربي وبالنسبة لدبلجة لقيت حلها والي كانت متوقفة عندي من زمان بسبب صوت اللعبة عالي وما يتميز صوتي عنها وكمان لازم اخفف الضوضاء واعزل المايك بنسبة ٥٠% واقل من كذا ما تزبط بس العزل ممتاز وما اثر على جودة الصوت وتقدرون تسمعونه باخر مقطعين وكمان لا انسى كل شي صار رمادي بالاحصائيات😂 ولعلي استعجلت بسبب اني حارق نفسي حرق من يوم اصحى حتى انام ومحتوى القناة يشهد وهذا اكبر غلط اني ما اخذ استراحة ولعلها هجت وبغيت اضيع كل تعب الشهور الي فاتت، بس كويس اني انتبهت اليوم لخيار الصورة المصغرة وإذا ما تدري الصورة المصغرة هي اهم شي وبدونها المقطع لو هو اطلق شي بتاريخ اليوتيوب ما منه فايدة، وحاليا صار معاي فرصة كبيرة من زمان انتظر اليوتيوب يسويها وصارت الحمدلله وكل جمهور ولغة لها صورة، و إن شاء الله تتوسع القناة واكيد الفيس كام عامل مهم حتى الناس تشوف ردة فعلك بس لو تعليق صوتي ما بيستفيد يروح يشوف بلغته الام وخلاص، وطبعا الدبلجة حقت اليوتيوب ماهي افضل شي وفيه اطلق منها وكانها صوت بشري حقيقي وبنفس صوتك الاصلي يسوي له استنساخ بس هذي غالية حاليا بس مخليها للمستقبل لما تسقطب القناة ناطقيا بلغات ثانية زي الانقلش.

سلام عليكم...
القناة راح تتغير خطتها بالايام الجاية 
- راح الغي الفيس كام واكتفي بالتعليق الصوتي والسبب الفيس كام فيه مجهود كبير والاكتفاء بصوتي راح يخفف علي نص المجهود واكثر كمان 
- بدل تسجيل حلقة وحدة مدتها ساعتين او ثلاثة... راح اقسمها على اكثر من حلقة وكلها تنرفع بنفس اليوم ومدة الحلقة الوحدة بين 40 و 60 دقيقة بالكثير
- الهدف من تقسيم الحلقات هو الاستفادة من ميزة الدبلجة التلقائية للغة الانجليزية وحسب موقع اليوتيوب إن اللغة العربية يتم دبلجتها بشكل ممتاز للانجليزية مع نبرة الصوت والضحك وغيرها... لإن بقسم اللغات من العربي للانجليزي محطوط علامة * وهذي معناها دبلجة ممتازة، وتقسيم الحلقات يسهل علي التصدير والرفع ويسرع عملية دبلجة الحلقات 
- تركيزي على الدبلجة وتكثيف محتوى كل يوم راح يعطيني فرصة اوسع برا المحتوى العربي
- وليش انشر اكثر من حلقة باليوم ؟ حتى اختم الالعاب بسرعة واجرب العاب اكثر والهدف الاكبر هو إنشاء اكبر مكتبة عربية مهتمة بالعاب القصة 

واخيرا بس حبيت اكتب هذا المنشور للمستقبل نشوف كيف تتغير القناة و وين وصلت وكمان لو انت مشترك ومفعل الجرس احتمال تزعجك الاشعارات ولو كنت غير مهتم بمحتوى القناة الجاي لك حرية إلغاء الاشتراك، وهذي الخطة من زمان اهوجس فيها واكثر من مرة اجربها بس اتراجع عنها بس هالمرة خلاص راح استمر فيها ولو وقفت راح اوقف صناعة محتوى .

الحق ما تلحق تختيم جديد
سايلنت هيل: تاونفول SILENT HILL: Townfall: https://www.youtube.com/playlist?list...

الحق ما تلحق تختيم جديد
ريزدنت إيفل كود: فيرونكا Resident Evil – Code: Veronica:
 https://www.youtube.com/playlist?list...

الحق ما تلحق تختيم جديد
ريزونانس: أبليغ تيل ليغاسي Resonance A Plague Tale Legacy: https://www.youtube.com/playlist?list...

تجربة استثنائية لاهم حدث بصناعة الالعاب والترفية عموما وقررت كسر القاعدة واعطيت ردة فعل وبعض النقاشات حول لعبة GTA 6 اتمنى يعجبكم المقطع .
https://youtu.be/Vk4m8V4N3Cc

الحق ما تلحق تختيم جديد
أبليغ تيل 2: ريكويام A Plague Tale 2: Requiem: https://www.youtube.com/playlist?list...

للاسف احتمال تختيم تومب رايدر يوقف بسبب القلتش الغبي هذا، قبل ساعتين سجلت البداية في مصر وما مشيت خطوتين إلا اجي المكان هذا وفيه الصبات هذي وحدة على اليمين وتنسحب وتطيح بدون مشاكل والي يسار تتحرك وتوقف ولا تطيح وجربت كل الحلول رميت عليها بكل الاسلحة وجربت اقفل اللعبة وحدثت كرت الشاشة وفريت اليوتيوب فر وعجزت احصل حل💔 بحاول فيها اليومين هذي، لو عجزت احصل حل بسحب عليها وبخش تختيم جديد والي مجرب حل وناجح يعلمني نسخة البي سي

الحق ما تلحق الان نزلت اول حلقة من تختيم تومب رايدر انيفرسري 2007 ويعتبر الجزء الثاني في ثلاثية 2006/7/8 ولكن من ناحية القصة يعتبر الاول

قائمة التشغيل: تومب رايدر انيفرسري Tomb Raider Anniversary: https://www.youtube.com/playlist?list...